Dortmund “Borussiya”sının hücumçusu Pako Alkaser “Vilyarreal”a keçib.
İspaniya təmsilçisi 26 yaşlı hücumçu ilə 5 mövsümlük müqavilə imzalayıb. Pako üçün İspaniya tanış məkandır – daha əvvəllər o, “Valensiya” və “Barselona”da çıxış edib. Bu mövsüm bundesliqada 11 oyun keçirən Alkaser 5 dəfə fərqlənib. Ancaq qeyd etmək yerinə düşər ki, o, Dortmund klubunda sentyabr ayından start heyətdə meydana çıxmırdı.